Tabako ti San Juan, kapintasan iti probinsia

SAN JUAN, Ilocos Sur- Sumagmamano a kompania ti tabako ti madadaan a maki-tie-up kadagiti agmulmula iti tabako ditoy gapu iti kinapintas ti kalidad daytoy a produktoda.

Naammuan iti maysa nga opisial ti NTA nga adda P10 milion a pondo a maipautang dagitoy a kompania kadagiti mannalon tapno isuda ti makaala iti apitda a tabako.

Segun ti nasao nga opisial, ti maapit a bulong ti tabako ditoy ti kapintasan iti klase iti intero a probinsia.#