Footer

Taga-Cuancabal, problemada ti nakiddit a danum a rummuar iti gripoda

CABUGAO, Ilocos Sur – Problema dagiti agindeg iti Barangay Cuancabal ditoy nga ili ti kinakiddit ti danum a rummuar iti gripoda.

Segun iti maysa a residente ditoy a barangay, mapuypuyatanda nga agurnong iti danumda agsipud ta sa laeng adda rummuar a danum iti gripoda iti alas otso ti rabii.

Innayon ti nasao a lumugar a kapilitan nga agurnongda iti danum ta no dimtengen ti alas 5 ti bigat, agmalmalemen nga awan danum ti gripo.

Immutang ti napalabas a lokal nga administrasion ditoy iti bangko para iti pannakapasayaat ti serbisio ti danum kadagiti nadumaduma a barangay ditoy nga ili.#