Tagilako a christmas lights, inspeksionen ti BFP

VIGAN CITY – Rugian iti mabiit ti Bureau of Fire Protection ditoy siudad ti aginspek kadagiti pagtagilakuan tapno kitaenda no makapasa dagiti christmas lights a tagilakoda.

Kinuna ni Vigan City Fire Marshall Chief Inspector Floro Obrero a rugianda ti agpasiar kadagiti pagtagilakuanĀ  apaman a maipaima kadakuada ti memorandum manipud iti Department of Trade and Industry a pakailistaan dagiti tagilako a christmas lights a nakapasa iti Inspection Compliance Certificate (ECC) tapno masigurado a natalged dagitoy a maaramat kas dekorasion bayat ti panangselebrar iti Paskua.

ā€œTapno legal met laeng ti aramidentayo nga inspeksion, urayenmi ti memorandum manipud iti DTI,ā€ kinuna ni Obrero.

Segun ken ni Obrero, kadagiti kallabes a panaginspekda, adu dagiti natakuatanda a nalaka a christmas lights ngem naingpis ti barutda ken awananda iti ICC.

Innayon ti BFP official a no mapatalgedanda a nababa ti kalidad dagiti christimas lights, kumpiskarenda tapno saanda a mailako iti publiko ken saanda a maaramat a posible a pagtaudan iti uram.#