Footer

Tagudin General Hospital, mapagbalin nga economic enterprise

CABUGAO, Ilocos Sur – Impalgak ni Gov. Deogracias Victor Savellano a rugian ti gobierno probinsial a pagbalinen dagiti nadumaduma district hospitals iti probinsia nga economic enterprise ket ti Tagudin General Hospital ti umuna a modelo.

Sakbayna, maysa a grupo nga indauluan ti gobernador ti napan iti La Union tapno adalenda ti ospital sadiay a kas economic enterprise.

Kinuna ni Savellano nga adda sistema a maiwayat iti Tagudin General Hospital nga agakem a kas independent body a makapataud iti bukodna a pamastrekan a pagbingayan ti probinsia ken ti ospital.

“No agballigi daytoy, makatulong iti dakkel iti programa ti salun-at iti probinsia,” kinuna ti gobernador.#