Footer

Tagudin, makisalip iti Gawad Saka

TAGUDIN, Ilocos Sur – Makisalip manen daytoy nga ili iti Gawad Saka, segun ken ni Amor Dasalla, municipal agriculturist.

Kinuna ni Dasalla a makisalip ti ili iti benneg ti kooperatiba, ket ti LUGARBA Cooperative ti isalipda iti Institutional Development.

Tallo a barangay ti mangimatmaton iti nasao a kooperatiba, ti Barangay Lubnac, Garitan ken Barrioan.

Addan napangabak daytoy nga ili a national awardee iti integrated farming iti kinatao ni Antonio Villanueva.

Nangabak ni Villanueva gapu iti dakkel a napastrekna iti talonna, pagtaraknan iti manok, piggery ken panagtarakenna iti tilapia.#