Tagudin, Region I’s Pamana ng Lahi awardee

TAGUDIN, Ilocos Sur – Napili daytoy nga ili a Pamana ng Lahi awardee ti Region I iti daytoy a tawen.

Nagyaman ni Mayor Roque Versoza, Jr. kadagiti kailianna gapu iti suportada iti lideratona iti pannakagun-od ti Tagudin daytoy a pammadayaw.

Napili met ti La Union a Pamana ng Lahi para iti provincial level ken ti San Fernando City para iti city level. Umawat dagiti nangabak iti project grant nga agpateg iti P1 milion ken plake ti pammadayaw.

Kinuna ni Dr. Julie Daquioag, assistant regional director ti DILG, a napili ti Tagudin gapu  kadagiti nagkaadu nga award a nagun-odna, agraman ti nadalus ken napintas a panakaimanehar ti gobierno munisipal ti ili.

Gapu iti pannakapilina a Pamana ng Lahi iti regional level, maiserrek ti Tagudin nga entry para iti national level.#