DINGRAS, Ilocos Norte – Tallo a lalaki a nagtakaw iti irik iti Barangay Bungcag ditoy nga ili  ti inaresto dagiti polis itay lawasna.

Nabigbig dagiti tallo a da John Paul Manuel, Bernardo Guillermo ken Mark Joy Rumbao, agpapada a residente iti nadakamat a lugar.

Segun iti report, nasalamaan dagiti barangay tanod dagiti tallo a suspetsa a nakabaklay iti sako nga irik a mapapati a tinakawda manipud iti maysa a kalugaranda.

Iti pannakaisurat daytoy, maisagsaganan ti kaso maikontra kadagiti tallo a suspetsa.#