Tanod, binagsol kalugaranna

SAN VICENTE, Ilocos Sur – Nabagsol ti maysa a barangay tanod iti sanguanan ti balayna iti Barangay Pudoc ditoy nga ili idi rabii ti Agosto 13.

Naideklara nga awanen ti biag ni Raymund bundoc y Reyes, 33, naasawaan, barangay tanod idi maidanon iti Reyes Clinic and Hospital ditoy nga ili gapu iti nasagrapna a sugat iti makannigid nga imana ken tianna.

Nainaganan dagiti nangbagsol kenkuana a da Victor Tamargo y Tamargo, 39, baro, mannalon ken Celso Tamargo y Pagatpatan, 59, naasawaan, mannalon ken kalugaran ti biktima.

Saan a narekobre dagiti nagresponde a polis ti naaramat nga armas.

Saan pay nga ammo ti motibo ti pammagsol.

Iti pannakaisurat daytoy, naipaiman ti kaso a murder maikontra kadagiti suspek.#