SAN JUAN, Ilocos Sur – Maysa a baro ti naireport a pinatuktokan ti maysa a barangay tanod babaen ti paltog idi dina maanawa daytoy iti insidente a napasamak iti Barangay Guimod ditoy nga ili idi sardam ti Abril 5.
Iti pannakaisurat daytoy, birbiroken dagiti polis ni Cresencio Tica y Panlasiqui, 52, naasawaan, chief tanod, ken residente iti Barangay Guimod ditoy nga ili gapu iti panangpatuktokna babaen ti cal. 38 revolver ti ulo ti kalugaranna a ni Niño Paoa y Presa, 32, baro.
Segun iti report, nabartek idi agarup 4:30 ti malem ti Abril 4 ni Paoa ket prinobokarna dagiti kabsatna a babbai ket nagpaarayat dagitoy ken ni Tica.
Inanawa ti tanod ni Paoa ngem di nangitaltalek daytoy a puon ti mapapati a nagpudotan ti suspek a nangipatuktok iti iggemna a paltog.
Naitaray ti biktima iti Magsingal District Hospital idinto a mapapati a naglemmeng ti tanod kalpasan ti insidente.#