Tanod, napaturongan iti paltog

VIGAN CITY – Naipresinto ti maysa a lalaki gapu iti panangpaturongna iti paltog ti kalugaranna a barangay tanod idi malem ti Nobiembre 14.

Naglasat metten ti kaso iti inquest proceeding iti opisina ti City prosecutor a nai-docket iti babaen ti NPS #1-14-INQ-12k-00037

Nagpulong iti polis ni Alberto Garnace y Galon, 38, baro, tanod ken residente iti Barangay Purok a Dakkel ditoy siudad gapu ta pinaturongan ni Emmanuel Medrano y Castillo, 36, naasawaan, ken lumugar met laeng iti nadakamat a barangay bayat ti panagganaganda iti kamaisan iti lugarda.

Insuko ni Barangay Kagawad Roger Pinzon ti maysa a homemade buckshot (gauge 12) a mapapati nga armas ni Garnace.

Saan a nadakamat iti report no apay a pinaturongan ni Medrano ni Garnace iti paltog.#