SANTIAGO, Ilocos Sur – Natnag ti maysa a tanod ti barangay a puon ti nakatayanna bayat ti panagarbasna iti kayo iti Barangay Mambug ditoy.
Nainaganan ti biktima a ni Willy Bajet, addaan iti naan-anay nga edad, ken tanod iti nasao met laeng a barangay.
Iti inbestigasion ti polis, naammuan a nagdalus dagiti opisial ken sumagmamano a residente iti barangayda.
Immuli ni Bajet iti kayo ket pinalangpanganna dagiti sangana ngem aksidente a natinnag ket nagrisud iti nauneg a paset ti karayan.
Natay ti biktima gapu iti napigsa a panagtupakna iti karayan. #
