Footer

Task Force A(H1N1) nangseminar kadagiti barangay

CANDON CITY – Kinuna ti health officer ditoy siudad a nangisayangkat ti Task Force A(H1N1) iti seminar kadagiti nadumaduma a barangay ditoy tapno maadalan dagiti agnaed mainaig iti daytoy a sakit.

Kinuna ni Dr. Narciso Ramos, city health officer ditoy, a makalawas a nangisayangkatda iti dissemination, information, education and counselling (IEC) ken nangiwayat iti sistema ti panagmonitor iti A(H1N1) tapno maliklikan daytoy a sakit.

Kinuna ni Ramos a naseminaren dagiti kameng ti task force iti barangay level tapno isuda ti kangrunaan a ramay iti daytoy a gannuat ken makikammayyet iti Barangay Health Emergency Response Team (BHERT).

Ti Task Force AH1N1 ket binukel dagiti doktor manipud iti CHO, DOH region, ken health personnel babaen ti panangidaulo ni Dr. Osias Diasen, committee chair on health iti Candon City Council.#