Tatadien a manok, natakaw

CAOAYAN, Ilocos Sur – Sangapulo a manok ni Fernando Padagas, Jr. y Rialina, 52, naasawaan, ken residente iti Barangay Anonang Menor ditoy nga ili ti naireport a natakaw idi agsapa ti Enero 18.

Segun ken ni Reynaldo, kabsat ni Fernando, nakariing idi agarup 3:00 ti parbangon ti nadakamat a petsa gapu iti agdadaraddan a panagtaul dagiti aso ket idi napanna kinita dagiti para tadi a manok, naduktalanna nga awanen ti sangapulo .

Agbalor dagiti natakaw a manok iti P30,000.00.

Iti pannakaisurat daytoy, di pay ammo ti kinasiasino dagiti nangkurimes kadagiti manok.#