Tekka, mailaklako iti nangina

PANGASINAN – Monmonitoren ti Provincial Environment and Natural Resources Office ditoy ti report a matiltiliw ken mailaklako dagiti tekka iti probinsia.

Mapapati nga ingget ngina ti paggatgatang dagiti ganggannaet kadagiti tekka gapu ta makaagas kano.

Kanaig daytoy, addan pammilin manipud iti DENR national office iti panangsiput dagiti provincial offices kadagiti agtiltiliw ken aglaklako iti tekka ken iti panangiparitda iti daytoy nga aktibidad.

Mapapati a makaagas ti tekka nangruna iti acquired immune deficiency syndrome (AIDS).#