Temperatura ti Baguio City, bimmaba manen

BAGUIO CITY – Bimmaba manenĀ  ti temperatura daytoy a siudad kas maibatay iti rekord ti Pag-asa Baguio.

Segun iti rekord ti nasao nga ahensia, bimmaba ti temperatura daytoy a siudad manipud iti 11.2 degrees Celcius idi Enero 17 iti 9.8 degrees Celcius idi parbangon ti Enero 18.

Segun ti Pag-asa, Baguio, manamnama a lumamiis pay ti klima daytoy a siudad kadagiti masungad nga aldaw ket posible a nababbaba pay ngem iti 9.6 degrees Celcius a nairekord idi umuna a lawas daytoy a bulan.

Maigapu pay laeng iti northeast monsoon ti panagbaba ti temperatura ditoy siudad ken iti Luzon.#