Footer

Ti daniw a nangdayyeg iti Tsina

Ni  Jaime M. Agpalo, Jr.

 

Apay a persuasive technique ti inusar ni Zhu Yuku itoy a daniwna?

Simple laeng ti rason.

Maysa a sosialista (komunista) a nasion ti China ket defender iti democratic freedom ni Zhu Yuko.

Narigat ti agsao ken agaksion iti lubong a saanka a nawaya a mangisawang iti kayatmo nga isawang ken agaksion iti kayatmo nga aramiden. Awanka iti demokratiko a lugar, addaka iti lugar a deroskas wenno detulbek ti ultimo a panaggaraw ken kapanunotan.  Tapno makumbinsirka iti umayon ken tumipon kenka iti sangsangkamaysa a panggep ken ikkis, nasken ngarud ti persuasive technique tapno makaallukoyka.

Kastoy ti readingko iti daytoy daniw ni Zhu Yuko.

Ngem saanen nga agdadamo a mangidurduron iti democratic freedom iti komunista a nasion ni Zhu Yuku. Karaman iti democracy wall – ti grupo dagiti mangidurduron iti demokrasia iti China sipud pay idi 1979. Ti daniwna ket paset ti inda ilablaban a demokrasia.

Ngem gapu itoy a daniwna, nakabaluden iti agdama. Maibalud iti pito a tawen iti kaso a subversion to state power a namunganay iti subversion ken inciting to subversion.  Dayta daniwna ti rason a naakusaran iti inciting to subversion ta provocative kano daytoy.

Dagitoy man ti nagbatayan iti nagbasolanna, Criminal Law, Article 105: Among those who organize, plot or carry out acts to subvert the state power or overthrow the socialist system, the ringleaders and the others who commit major crimes shall be sentenced to life imprisonment or fixed-term imprisonment of not less than 10 years.

Mainaig iti inciting to subversion: Whoever incites others by spreading rumors or slanders or any other means to subvert state power or overthrow the socialist system shall be sentenced to fixed-term imprisonment of not more than five years, criminal detention, public surveillance or deprivation of political rights; and the ringleaders and the others who commit major crimes shall be sentenced to fixed-term imprisonment of not less than five years.

Saan met laeng nga is-isuna ti nakabalud, aduda a pro-democracy a manglanglangit iti likudan ti rehas, ken mangnamnama a dumtengto ti naikeddeng nga oras nga inessemanda.

Pinetisionan ti US ti pannakawayawaya ni Zhu Yuku ket naiturong ken ni China Ambassador to US Zhang Yesui. Nadakamat iti petision, saan a maibilang ti daniwna a kaso ti subversion no di ket maibilang a freedom of expression kas nadakamat iti Article 35 iti Chinese Constitution, a kunana: Citizens of the Republic of China enjoy freedom of speech, of the press, of assembly, of association, of procession and demonstration.

Nadamat pay iti nasao a petision ti Article 19 ti Universal Declaration of Human Rights a kunana: Everyone has the right to freedom of opinion and expression; this right includes freedom to hold opinions without interference and to seek, receive and impart information and ideas through any media and regardless of frontiers.

Ngem nagtalinaed a sarado ti lapayag ti maseknan a pagilian a dumngeg iti tarigagay nga arungaing.

Gapu iti daniw, linaon dagiti editorial ken opinion dagiti dadakkel  ken kangrunaan a babasaen iti lubong, nangruna dagiti adda iti sidong iti demokrasia ti pannakaibalud ni Zhu Yuku.

Manen, napaneknekan ti kinabileg ti daniw.  Napaneknekan ti bileg ti bunga ti literatura. Ta kas kuna ni Pakistan scholar Arfa Syeda Zehra iti kalkalpas a Karachi Literature Festival: Literature is a binding force between the people and more powerful than history, as it absorbs history and turns it into something bigger.

Nabilbileg nga adayo ti bunga ti literatura ngem ti historia.#