Footer

Tienda iti ukay-ukay tinakawan 3 menor de edad

CANDON CITY – Tallo a lallaki ti tiniliw dagiti polis ditoy kalpasan a tinakawanda ti maysa a pagtagilakuan iti segunda mano nga aruaten iti tiendaan publiko ditoy.

Tiniliw dagiti guardia a da Romeo Bersabal ken ni Alex Ferrer dagiti suspetsa a nailinged iti nagan a Hector, 15, reisdente iti Beque Walin, Lidlidda, Ilocos Sur, maysa nga out-of-school youth, ken ni Jerry, 13, residente iti Greenhills, Banayoyo.

Nasukalan iti ikut dagiti suspetsa, kaduada ti maysa  a managan Joed Gacutan ti pito a maong shorts, 5 a jacket, t-shirt, shoulder bag, ken baseball cup a mapapati a kinasakasda iti maikatlo a kadsaaran ti public market a yan dagiti ukay-ukay a tagilako.

Iti pannakatiliw dagiti tallo a suspetsa, kinuna ti polis a nasolbaren ti masansan a panagtakaw kadagiti tagilako a segunda mano nga aruaten iti public market ditoy.#