Footer

Tienda, natakawan

BANTAY, Ilocos Sur – Natakawan itay lawasna ti maysa a tienda iti Barangay Tay-ac ditoy nga ili bayat ti kaawan ti akinkukua.

Nagpulong ni Rodolfo Madriaga, residente ti Barangay Tay-ac ditoy a sinerrek ti mannanakaw ti tiendana bayat ti kaawanna.

Segun iti inbestigasion, napan linuktan ni Madriaga ti tiendana iti alas sais ti bigat sana met la inserra ta adda napananna.

Idi nagsubli ti biktima iti alas siete, nakitana laengen a naluktan ti main door ti tiendana ken naporsar a naluktan ti drawer ti lamisaanna a nakaikabilan ti P45, 000 a kuartana.

Di pay ammo ti kinasiasino ti mannanakaw.#