SAN ESTEBAN, Ilocos Sur – Maysa a tiendaan iti Poblacion ditoy ti sinerrek dagiti mannanakaw ket intarayda dagiti sumagmamano a tagilako ken kuarta.
Nagreport iti polis ni Jonathan Guerrero, 37, residente iti nasao a lugar a natakawan ti tiendana iti di pay ammo a pateg dagiti grocery items ken aganay P500 a kuarta.
Simrek dagiti mannanakaw iti tienda babaen ti panangdadaelda iti door lock ti ridaw babaen ti panagaramatda iti electrical screw.
Di pay ammo ti kinaasino dagiti mannanakaw.#