Tiendaan, prioridad a mabangon

STA. CATALINA, Ilocos Sur – Prioridad a ganuat ti gobierno munisipal ti pannakaipatakder ti maysa a tiendaan ditoy.

Impakaammo ni Mayor Carlos Asuncion nga impatalged ni Cong. Ronald Singson ti P2.5 milion para iti nasao a tiendaan.

Segun iti mayor, dua kadsaaran ti tiendaan ket iti first floor ti pakaipuestuan dagiti amin a tagilako idinto a plano nga agbalin a food court ti second floor.

Mangnamnama ti mayor a malpas ti tiendaan iti panagpiestada iti umay a tawen.#