Tiendaan publiko, dandanin malpas

SAN EMILIO, Ilocos Sur –  Malpas iti mabiit ti Livelihood Center building ditoy nga ili, daytoy ti naammuan ken ni Mayor Ferdinand Banua.

“Ditoy a mailako dagiti RTW, groceries, ken dadduma pay,” kinuna ti mayor sana innayon a napunduan iti P17 milion ti tiendaan publiko a naipatakder sakby ti municipal hall.

Saan a karaman ti tiendaan ti wet market agsipud ta masarakan daytoy iti nagpanawan a dati a tiendaan.

Nupay kasta, kinuna ti mayor a puntiriana a maymaysa a lugar ti paggatangan iti dry goods ken wet market.

Kinuna ti mayor a madama pay laeng ti finishing touches ti tiendaan publiko ket apaman a malpas, maipaupan kadagiti stall owners.#