Footer

Tikag

nakaro unay ti tikag ita

agrengngat uray urat ti namnama
maatianan pati bubon ti anus
malaylay uggot ti agsapa.
adda tikag saan laeng nga iti daga:
adda iti nagbaetan dagiti agkakabsat
adda iti barukong ti nakaparsuaan
adda iti laem ti pagtaengan
adda iti inaladan ti eukaristia
adda iti puso ken panunot!
agur-uray iti arbis ti amin
ngem alimukeng ita ti dam-eg
ta di maikkat ulep iti isip ken barukong
(no koma laeng ruk-atan ti rikna
dagiti pinennedna a murkat
ay, aglua la ketdi ti langit!)