Timmagbat a mannalon, nakasuan iti murder

STA. CRUZ, Ilocos Sur – Nakasuan iti murder ni Charlie Bruno y Santos, 47, naasawaan, mannalon, residente iti Barangay Nagtengnga, ditoy nga ili kalpasan a pimmusay ti tinagbatna a kalugaranna a ni Marcelo Jallorina y De Guzman, 48, idi sardam ti Enero 17.

Idi agarup 8:00 ti sardam ti nadakamat a petsa, nagkita da Bruno ken ni Jallorina iti sango ti balay ti maysa a kaarrubada, ket mapapati a kinarit ti biktima ti suspek nga agdinnisnogda.

Mapapati a nagsanud ni Bruno ngem maipagarup a ginutta ni Jallorina sana dinanog ti ulo ti suspek.

Nagtaray ti suspek iti balayna, innalana ti bolo sana tinagbat ti biktima iti sumagmamano a daras a nagsagrapan daytoy iti sugat iti nadumaduma a paset ti bagina.

Naipilan ti kaso a murder maikontra ken ni Bruno iti provincial prosecutor’s office, Vigan City.#