Tindera, nakumpiska ti lakona, napagmulta

CANDON CITY – Malaksid a nakumpiska dagiti lakona, nagmulta pay ti maysa a tindera gapu iti panaglakona iti city proper ditoy siudad.

Inaresto dagiti polis ni Angelita Mones y Pagaduan, 40, balo, residente iti Barangay San Pedro ditoy siudad kalpasan a nasukalan nga aglaklako iti sanguanan ti SYM motorcycle shop a masarakan iti Barangay San Juan a sakup ti city proper.

Nakumpiska ti lako ni Mones a 9 1/2 kilos a karne, 3 kilos a bangus ken 5 kilos a maya-maya ken napagmulta iti P1,000.00.

Sagudayen ti Candon City Ordinance No. 408 a maiparit ti aglako iti karne, ikan, prutas ken natnateng iti aniaman a kalsada iti city proper ditoy.#