STA. MARIA , ILOCOS SUR- Maysa a tindera ti pinaltogan dagiti armado a tattao bayat ti kaaddana iti dalanna nga agawid iti Barangay Poblacion ditoy nga ili.
Segun iti report, agdaldaliasat iti traysikel a nagluganan ni Marieta Anastacio, 51, naasawaan, residente iti Barangay Lingsat ditoy nga ili, aglaklako iti ikan, iti barangay road a sakup iti Barangay Poblacion idi inobertekan dagiti lallaki a naglugan iti motorsiklo sada pinaltogan ti biktima.
Naitaray ni Anastacio iti Reyes Clinic and Hospital iti sugatna ti rupa.
Nakarekobre dagiti polis iti maysa a kapsula manipud iti cal. 45 iti nakapasamakan ti krimen.
Di pay ammo ti motibo ti pammaltog.#