Tinuno a bangus naipasango iti boodle fight

DAGUPAN CITY – Tapno ipatalgedda nga awan ti fish kill ditoy siudad, maysa a boodle fight a nakaipasanguan ti tinuno a bangus a sida dagiti opisial ditoy siudad, barangay captains, fishpond owners ken fish dealers ken pakairamanan dagiti kameng ti media idi Hunio 14  ditoy.

Naisayangkat ti nasao nga aktibidad kalpasan ti panag-complain dagiti fishpond operators ken stall owners ditoy siudad a nupay mabalinen a maapit dagiti tarakenda a bangus, saanda a makalako agsipud ta maamak nga agorder dagiti regular a sukida ken gapu ta agbuteng pay laeng dagiti consumers nga aggatang iti bangus iti tiendaan publiko ti siudad kalpasan ti fish kill iti Anda ken Bolinao, Pangasinan.

Maysa a termino ti militar ti boodle fight no sadino a maipasango dagiti taraon iti atiddog a lamisaan ket aggaabay dagiti tattao a mangan babaen ti panagkammetda.#