Tobacco farmers, nagmula iti kaykayo

SAN JUAN, Ilocos Sur – Nangrugi ti gunglo dagiti tobacco farmers ditoy a nagmula kadagiti kaykayo iti communal forest a masarakan iti maysa a barangay ditoy nga ili.

Naammuan a nakaimulan dagiti kameng ti Barbar-Camangaan-Nagsupotan Tobacco Farmers Association ti nasurok 50,000 a kaykayo, kas iti mahogany, ipil-ipil, germelina ken dadduma pay a kaykayo tapno masulnitan dagiti napukpukan a kayo a naaramat iti panagpugon iti tabako.

Kuna ti maysa nga opisial ti gunglo a maysa a non-government organization ti nangilungalong iti panagmula iti kaykayo iti communal forest iti Barangay Barbar.#