Tomboy, napapatay

STA. MARIA, Ilocos Sur – Maysa a tomboy ti napapatay itay nabiit bayat ti panagdaliasatna iti barangay Poblacion Sur ditoy.

Nainaganan ti biktima a ni Glenda Basconcillo, 35, residente iti Cabcaburao, Burgos, Ilocos Sur.

Segun iti inbestigasion, agturong iti Burgos, Ilocos Sur ti biktima a nakalugan iti Honda Wave a kaduana ti maysa managan Mary Grace Rendon, residente iti barangay Suso, ditoy nga ili idi inabay ida dagiti suspetsa a nakalugan iti motorsiklo sa pinaltogan ti maysa ti biktima.

Naglibas dagiti di nabigbig a suspetsa kalpasan ti krimen.

Kalibre 45 ti mapapati a naaramat iti pammapatay.#