VIGAN CITY – Maysa a resolusion ti impasa ti sangguniang panlungsod iti naudi a sessionda para iti pannakapadayaw ti maysa a tubo ditoy siudad a maysa kadagiti top ten iti Nursing Board Examinations.
Babaen ti nasao a resolusion, mapadayawan ni Jan Briane Fabie Astom, anak da Audie ken Luz Astom, ditoy Vigan City, 10th placer iti Nursing Board Exam a naangay idi Hulio 2 & 3, 2011.
Nakagun-od ni Astom, nagturpos iti St. Paul College of Ilocos Sur-Bantay, iti rating a 85.80%.
Ni Jomel Garcia Lapides ti University of the Philippines-Manila ti topnotcher iti nasao nga eksamen babaen ti ratingna a 88.40%.#
