Topmost wanted person iti Salcedo, naaresto

SALCEDO, Ilocos Sur – Inaresto dagiti polis ti top most wanted person ditoy nga ili idi parbangon ti Mayo 27.

Inaresto dagiti polis ni Judy Haban y Uyan, 35, naasawaan, mannalon ken residente iti Barangay Dinaratan, ditoy nga ili, babaen ti bileg ti warrant of arrest nga inyisio ni Judge Tita S. Ubinario ti Regional Trial Court, Branch 45, Urdaneta City, Pangasinan.

Akusado ni Haban iti  murder a nai-docket iti babaen ti Criminal Case No. U-17504 ket awan ti nairekomenda a piansana.

Naikustodia ni Haban iti police station ditoy para iti dokumentasion sakbay a naipaima iti maseknan a korte.#