Torneo ti basketbol, naiyussuat

CANDON CITY – Narugian itay Abril 4 ti paliga ti basketbol nga inyussuat ti pederasion ti sangguniang kabataan ditoy siudad.

Kinuna ni SK Federated Vice President Leonilo Singson III a 40 a barangay ti makipaset iti torneo a maangay iti Candon City Civic Center.

Innayon ni Singson a saan laeng a para iti sports development dagiti agtutubo ti torneo ti basketbol no di pay para iti nasingsinged a panaglalangenda para  iti panangpadur-as iti siudad.

Nairusat ti nasao a paliga iti basketbol babaen ti pannakitinnulong ti gobierno ti siudad ken dagiti barangay officials.#