Trabahador, binagsol ti kabsatna

MAGSINGAL, Ilocos Sur – Gapu iti inpluensia ti arak, nagringgor dagiti agkabsat a nagtungpal iti panangbagsol ti maysa iti kabsatna.

Binagsol ni Ayron Arellano y Costales, 17, baro, ti kabsatna a ni Agimat Arellano y Costales, 23, baro, laborer, gapu iti dida panagkinnaawatan maibunga iti pannakabartekda a dua.

Segun iti report, nangrugi nga aggiinom dagiti agkabsat iti pagtaenganda, kaduada ti kabsatda a babai nga agnagan iti Sheila, 20, awanan asawa; ken dua pay a gagayyemda manipud iti 7:00 ti sardam ti Agosto 22 agingga iti agarup 12:40 ti agsapa ti Agosto 23.

Mapapati a kalpasan ti panaggiinomda, nagringgor dagiti agkabsat a puon ti nangbagsolan ni Ayron iti kabsatna a ni Agimat a nakagapu iti pannakaiyospital daytoy.#