Footer

Trabahador, binagsol ti ulitegna

SAN JUAN, Ilocos Sur – Nabartek ti biktima ket nagbirok iti kinaririna a nagtungpal la ket ngarud iti pannakabagsol ken nakatayanna.

Intaray dagiti kabagianna ni Rodel Semeniano Galvadores, 33, baro, laborer, residente iti Barangay Guimod, ditoy nga ili iti Magsingal District Hospital sa naiyalis iti Gabriela Silang General Hospital gapu iti sugatna kalpasan a binagsol ti ulitegna a ni Macario Aroma Semeniano, 60, baro, mannalon, residente met laeng iti nadakamat a barangay. Pimmusay ti biktima bayat ti pannakatamingna iti ospital.

Segun iti report manipud iti polis, adda ti suspek iti uneg ti balayna idi simmangpet ti biktima a nabartek idi agarup 9:30 ti rabii ti Pebrero 8 ket mapapati a prinobokarna ti ulitegna a nagpudotan daytoy ket binagsolnan ti biktima.

Boluntario a simmuko ti suspek iti polis.#