Trabahador, inaresto dagiti polis

STA. CATALINA, Ilocos Sur – Maysa a trabahador ti inaresto dagiti nagtipon nga elemento ti kapolisan sadiay Barangay Poblacion, ditoy nga ili idi malem ti Disiembre 22 gapu ta adda kasona iti korte.

Inaresto dagiti nagtipon nga elemento ti CIDG-Ilocos Sur, PIB Ilocos Sur, IS-PPSC, Maritime Group, Narvacan police station ken Sta. Catalina police station ni Bonifacio Aquino y Sotelo aka ā€œRodelā€, 30, naasawaan, trabahador ken residente itiĀ  Brgy. San Pedro, Narvacan, Ilocos Sur gapu iti sangsanguenna a kaso nga attempted parricide iti Regional Trial Court, Branch 22, Narvacan, Ilocos Sur a nai-docket iti babaen ti Criminal Case No. 4094-N.

Inyisio ni Judge Gina Juan-Chan ti nasao a korte ti warrant of arrest a napetsaan iti Nobiembre 9 para iti pannakaaresto ni Aquino.

Nairekomenda nga agpiansa ni Aquino iti P120,000.00 para iti temporario a wayawayana.

Naikustodia ni Aquino iti Ilocos Sur CIDG para iti dokumentasionĀ  sakbay a naipaima iti korte.#