Trabahador, napaltogan gapu iti riri ti agkabsat

NARVACAN, Ilocos Sur – Gapu iti kanal, nagriri ti agkabsat a nakapaltogan ti maysa a trabahador.

Pinagpupudotan a pinaltogan ni Benjamin Cabigon, 54, residente iti Margaay, ditoy nga ili ni Florante Cabotage, 22, baro, kalugaranna, bayat ti panagririda iti kabsatna a Reynaldo gapu iti makalkali a kanal a lumasat iti solarna.

Mapapati nga imparit ti suspetsa ti panagkali ni Reynaldo ken ni Cabotaje agsipud ta pagpatakderanna kano iti balay a puon ti nagsubanganda.

Iti pudotna, pinaltogan ti suspetsa ni Cabotage a nakasugatan ti kanawan nga imana.

Naitaray ni Cabotage iti Central Ilocos District Hospital para iti pannakaagasna.#