Trabahador, natiliwan iti paltog

CABUGAO, ILOCOS SUR –Ā  Gapu iti kinaridam ti maysa a manangisakit nga umili, maysa a lalaki ti natiliwan a naglabsing iti RA 8294 ti linteg nga Illegal Posession of Firearms iti daytoy nga ili.

Segun ti imbestigasion iti polisia, nagreport ti maysa a maseknan nga umili iti estasionĀ  ti polis ditoy maipanggep iti maysa a lalaki a mapapati nga adda ikutna a paltog a madama a makiinninom itiĀ  Brgy. Bonifacio, sango ti Pepsi warehouse bandang ala nuebe y media ti rabii idi lawasna.

Nagresponde dagiti polis ket kinemmegda ti suspek a nainaganan nga isu ni Mark Jhun Castro y Baclig, agtawen iti 25 ken trabahador iti nasao a bodega.

Kinumpiskar dagiti pulis ti agdugdugol a kalibre .45 a pistol iti siket daytoy.Ā  Awan ti markingsna ti natiliw a paltog ngem addaan serial number (1045493) ken maysa a magasin nga addaan iti innem a bala.

Nayulin ti darum kontra iti suspect.#