CANDON CITY – Nanayonan dagiti kadaanan nga ay-ayam a napagsasalipan bayat ti Maika-11 Bago Tribal Festival a naangay iti Barangay Bagani Tocgo idi Disiembre 27.
Nainayon ti salip iti panaggayang ken panagay-ayam iti sunay, kinuna ni Efraim Dayap ken Leoncio Bacolod, tribal chieftains.
Sigud a mapagsasalipan iti festival dagiti traditional games a kas iti sanggol, torsi ken ginnuyodan.
Siam a barangay ti Candon a kameng iti tribu ti Bago ti nagsasalip iti tadek, kansion a salidummay ken dadduma pay a kadaanan a paglinglingayan ti tribu.
Naisayangkat pay iti daytoy nga aldaw ti medical mission ken blood donation. (Danilo Antalan)