VIGAN CITY – Desidido ti traffic aide a mangidarum iti tricycle driver a nangdisnog kenkuana idi bigat ti Oktubre 22.
Kinuna ni Sanny Arconado y Redoble, 34, baro, traffic aide, residente iti Barangay Ayusan Norte ditoy siudad nga idarumna ni Gerry Manuel, gapu iti panangdisnog daytoy kenkuana gapu iti panangiparitna ti panagparking daytoy iti saan nga umno a lugar.
Segun iti report, pinaritan ni Redoble ti suspek nga agparking iti ngato ti sungaban ti Mira Hills gapu ta adu dagiti tao ngem mapapati a madi ti panagsaadna iti suspek a puon ti nangdisnogan daytoy iti traffic aid.
Mapapati a nagkedked ti suspek idi inimbitaran dagiti polis iti police station sana imbaga a kabsat ti maysa a fireman. Nupay kasta, simmurot met la ti suspek kadagiti polis tapno aglinnawagda iti traffic aide.#