Footer

Traffic aide, intim-og ti polis

VIGAN CITY – Intim-og ti maysa a polis ti kalugaranna a traffic aide gapu iti saanda a panagkinnaawatan bayat ti panagiinomda iti maysa a barangay ditoy.

Naipan iti Gabriela Silang General Hospital ni Darwin Rabon, 31, naasawaan, traffic aide, residente iti Pantay Fatima ditoy siudad tapno maagasan ti nadunor nga ulona gapu iti panangitim-og kenkuana ni PO1 Joseph Racusa, naasawaan, kalugaranna, nakadestino iti Mandaluyong City.

Segun iti inbestigasion, agiinom ti polis, ti biktima ken sumagmamano a kakaduada idi nagsubang dagiti dua ket intim-og ti polis ti biktima iti pader a nakadunoran ti ulo ti biktima.

Naidatag ti riri dagiti dua iti barangay council para iti posible nga amicable settlement.#