VIGAN CITY – Naisayangkat ti panagsanay ti sabali pay a grupo dagiti day care workers iti probinsia a naangay itay Hunio 24 iti University of Northern Philippines ditoy.
Karaman dagiti nagsanay dagiti day care workers manipud iti Magsingal, San Juan, Cabugao, ken Sinait.
Nakipartisipar met iti nasao a panagsanay dagiti day care workers a saan a nakatabuno kadagiti immun-unan a paseminar.
Kinuna ni Vice Gov. Jerry Singson a kangrunaan a panggep ti training ti pananakapasayaat ti panagisuro dagiti day care workers ditoy probinsia.#
