Trak ken van, nagdinnungpar

SAN ESTEBAN, Ilocos Sur – Nadadael nga agpada ti maysa a forward truck ken closed van kalpasan a nagdinnungparda itay lawasna iti barangay Poblacion iti daytoy nga ili.

Segun iti polis ditoy, sakbay ti aksidente, agpada nga agpaabagatan dagiti dua a lugan ket sarsarunuen ti Isuzu Elf aluminum van a minaneho ni Eugenio Danilo Cadingan, 42, residente iti Pozo Grande, Dagupan City ti Forward truck, addaan plaka a UHF-643, a minaneho ni Gerry Salamanca, 45, residente iti Barangay Lipit, Cabugao, Ilocos Sur.

Bayat ti panagdaliasatda iti Poblacion, nagsikko nga agpakannigid ti trak idinto nga nag-overtake met ti van a puon ti nagdinnungparanda. (Danny Antalan)