Footer

Traysikel, dinungpar ti kotse; 1 pasahero, natay, 4 nasugsugatan

SAN JUAN, Ilocos Sur – Natay ti maysa a pasahero idinto a nadundunor dagiti kakaduana agraman ti drayber idi dinungpar ti kotse ti naglu-gananda a traysikel iti national highway a sakup ti Barangay Immayos Norte, ditoy nga ili idi aldaw ti Mayo 25.

Naideklara nga awanen ti biag iti nakaitarayanda nga ospital ni Alejandro y Urmatan, 75, naasawaan, ken nasugatan da Gerardo Luczon y Udarbe, 48, naasawaan; Encarnita Luczon y Udarbe, 74, naa-sawaan, residente iti Barangay San Basilio, Magsingal; Antonio Atayan y Reotires, 48, naasawaan ken Jeremy Atayan y Villaspir, 18, baro, agpada a residente iti Barangay Nagsupotan, San Juan.

Segun iti report, agpa-abagatan ti traysikel a mina-neho ni Luczon ket kellaat a nagpakannigid nga agpadaya iti kalsada a sumrek iti Barangay Nagsupotan a puon ti nakadungparan kenkuana ti sumungad a Toyota Vios a minaneho ni Ramesis Buenviaje y Fabian, 26, baro, medical representative ken residente iti Barangay 28, Rizal Street, Laoag City.

Gapu iti impact, nagpusipos ti traysikel a nakatayan ti dray-ber ken nakasugatan dagiti pasaherona iti nadumaduma a paset ti bagida.

Saan a naan-ano ti drayber ti kotse.#