Traysikel, natakaw iti sango ti dati a justice hall

CANDON CITY – Natakaw ti maysa a traysikel iti sanguanan ti dati a justice hall ditoy siudad idi malem ti Mayo 16.

Nagpulong iti polis ditoy ni Edmund Pontejos y Lachica, 32, naasawaan, ken residente iti Barangay Dan-ar, Santiago, Ilocos Sur nga imparkingna ti TMX tricycle iti sango ti dati a justice hall idi agarup 2:30 ti malem ti nadakamat nga aldaw ket napan nagbuya iti basketbol iti Candon Civic Center ngem awanen daytoy idi agsubli kalpasan ti maysa nga oras.

Nairehistro ti traysikel iti nagan ni Mely Pontejos y Manzano.

Kinuna ni Pontejos a nabati iti compartment ti sidecar ti traysikel dagiti armientana ken adaptor ti TV antenna.

Saan pay a nabigbig ti kinasiasino ti nangitaray iti nasao a traysikel.#