Footer

Traysikelan nga agsingsingir nangatngato a plete, ireportyo: Kon. Molina

Vigan City – Inggunamgunam ni Konsehal Ever Molina, chairman ti transportation committee, a saan pay laeng a mayimplementar ti panagpangato ti  plete ditoy siudad ta nupay naaprobaranen ti nasao nga ordinansa, maipan pay iti opisina ni Mayor Eva Marie Medina para iti panagpirmana.

Kinuna ni Molina nga iti pannakaipangato ti singir ti plete, awan koman ti pambar nga agsingir dagiti traysikelan iti nangatngato ngem iti naituding a plete.

Indagadagna ti panangireport ti riding public dagiti traysikelan nga agsingir iti sobra a plete, nangruna ti panakikontrata dagitoy iti plete sakbayda nga itulod ti pasahero polis ken traffic division ket no mapaneknekan a naglabsing dagitoy, mapatawanda iti umno a pannusa.

 Kalpasan ti panangadal ti committee on transportation, pormalen a naipasa iti maikatlo ken pinal a pannakaibasa ti ordinansa ti pannakaipangato ti singir ti plete ditoy kabayatan ti regular session ti Sangguniang Panlungsod idi Hunyo 23.

Sagudayen ti ordinansa  a manayonan ti P2 iti singir ti plete dagiti agpaspasada iti siudad iti Vigan ket agbalinen a P10.00 manipud iti P8.00. Nupay kasta, maikkan dagiti estudiante ken senior citizens iti diskuento a 20%.

Dagiti sumaganad ti kabarbaro a singir ti plete:

-P2  ti ngumatuan ti plete manipud poblasion ditoy agingga iti Nagsangalan, Capangpangan, San Julian Norte, San Julian Sur, Tamag, San Jose, Ayusan Sur, Ayusan Norte, Paoa, Bulala, Pantay Daya , Beddeng Laud ken vice versa;

-P10.00 ti regular fare idinto a P8.00 iti estudiante ken senior citizen (with ID) manipud iti poblasion a mapan Rugsuanan, Purok a Bassit, Purok a Dackel, Cabaroan Laud, Cabaroan daya, Salindeg, Barraca, Paratong, ken vice versa;

-P11.00 ti regular fare ken P9.00 iti estudiante ken senior citizens (with ID) manipud poblasion a mapan Raois, Pantay Laud, San Pedro Norte, San Pedro Sur, Mindoro, ken vice versa;

-P12.00 ti regular fare,  P10.00 ti estudiante ken senior citizen (with ID ) manipud poblasion  agingga  iti boundaries ti Bantay, Sta.Catalina, Caoayan, ken vice versa;

-P10.00 ti regular fare ken P8.00 ti estudiante ken senior citizen (with ID) iti poblacion area (Barangay I -IX)

Iti rabii manipud pasado alas otso ti rabii agingga iti alas singko ti bigat:

-Within poblacion area: P20.00 no maymaysa ti pasahero, P16.00 iti estudiante ken senior citizen, P15.00/person no dua ti pasahero ti tricycle, P12.00 iti estudiante ken senior citizens.

-Outside Poblacion area: P30.00 no maymaysa laeng ti pasahero, P24/person  iti estudiante ken senior citizens, P20.00 /person no dua wenno ad-adu  ti pasahero ken P16.00/person iti estudiante ken senior citizens.

Sagudayen ti ordinansa nga agmulta iti P500 siasinoman  nga agsalungasing iti provisions ti schedule of fares.

Segun ken ni City Councilor Ever Molina, chairman ti transportation committee, a saan pay laeng a mayimplementar ti nasao a panagpangato ti plete ta nupay naaprobaranen ti nasao nga ordinansa,  maipan pay iti opisina ni Mayor Eva Marie Medina para iti panagpirmana.

Kinuna ni Molina nga ti pannakaipangato ti singir ti plete, awan koman ti pambar nga agsingir dagiti traysikelan iti nangatngato ngem iti naituding a plete.

Indagadagna ti panangireport ti riding public dagiti traysikelan nga agsingir iti sobra a plete, nangruna ti panakikontrata dagitoy iti plete sakbayda nga itulod ti pasahero polis ken traffic division ket no mapaneknekan a naglabsing dagitoy, mapatawanda iti umno a pannusa.#