Treasurer’s office, naikalawa

VIGAN CITY – Tapno maited ti nasaysayaat pay a serbisio kadagiti umili, naikalawa ti opisina ti tesoreria ditoy.

Sinakupen ti treasurer’s office ti dati a city health center tapno nawaywaya a maserbian dagiti umili nga adda  masapulda iti ditoy nga opisina.

Segun ken ni Mayor Eva Marie S. Medina, kimmipet ti opisina ti tesoreria maigapu iti pannakaipasdek ti elebeytor ken ATM, kasta met nga adu dagiti papeles ken dokumento iti nasao nga opisina, isu a napanunotna a paluktan ti dati a city health center tapno nawaywaya ti panagserbi dagiti empleado ti tesoreria kadagiti umili.#