Footer

Tricycle driver, dinungpar ti van, natay

BURGOS, Ilocos Sur – Saanen a naidanon a sibibiag iti ospital ti maysa a tricycle driver kalpasan a dinungpar ti maysa a lugan idi malem ti Septiembre 13 sadiay Barangay Cadacad, ditoy nga ili.

Naireport iti police station nga idi agarup 2:50 ti malem ti nadakamat a petsa, dinungpar ti Hyundai Grace van a minaneho ni Joey Barba Sison, 36, naasawaan, ken residente iti Barangay Subadi Norte, Burgos ni Reynaldo Norberte y Tamayo, 55, bayat ti ididissaag daytoy iti traysikelna.

Naitaray ni Norberte iti Reyes Hospital, sadiay Sta. Maria, Ilocos Sur ngem indeklara ti doktora a nangtaming kenkuana a dead on arrival.

Naikustodia ti drayber ti van iti police station ditoy para iti dokumentasion ken disposision.#