Footer

Police crime scene

Tricycle driver, ginandat a papatayen ti dua a lallaki

STA. CRUZ, Ilocos Sur – Maysa nga insidente ti pammaltog ti dimmanon iti Sta. Cruz Municipal Police Station idi sardam ti Agosto 23, 2018.

Nainaganan ti biktima a ni Edmundo Javonitalla Y Magdaraog, 55, naasawaan, tricycle driver ken residente ti Brgy. Pinipin, Sta. Cruz, Ilocos Sur; ni Wilson Sibayan Eleazar, residente ti Brgy. Padaoil, ditoy met laeng Sta. Cruz.ti maysa kadagiti dua a suspek.

Segun iti report, sakbay a napasamak ti pammaltog, napan ni Javonitalla iti Police Station tapno ipulongna ni Eleazar a naduktalanna nga agsipsiput iti arubayan iti balayda.

Iti panagawidna manipud Police Station, ditan a nasabatna dagiti dua a suspek nga agur-uray kenkuana iti agsumbangir nga igid ti kalsada. Adda ni Eleazar iti makindaya a nakaiggem iti paltog, ket ti maysa a saan pay nainaganan a lalaki iti makinlaud a nakaiggem met iti buneng.

Daras a nag-U-turn ni Javonitalla ket ditan a pinaltogan ni Eleazar, ngem saan a natiruan ti biktima.

Dagus a naglibas dagiti suspek ket birbiroken pay laeng ida dagiti kapolisan. Saan a nadakamat iti report no agam-ammo dagiti suspek ken biktima ken no ania ti motibo ti pammaltog. (Tawid News Team)

,