Tricycle driver, kinabil ti padana a tricycle driver

SANTA, Ilocos Sur – Naiyospital ti maysa nga agmanmaneho iti traysikel gapu iti panangmalo kenkuana ti kalugaranna a padana nga agpaspasada iti traysikel idi rabii ti Disiembre 6.

Naiyospital iti Gabriela Silang General Hospital ni Randy Baña y Dameg, tapno maagasan ti sugatna iti ulo kalpasan a minalo ni Florante Adrion y Elephante, 46, a kalugaranna iti Barangay Quezon District ditoy nga ili.

Sakbayna, nagriri da Raymar Dameg y Bista ken John Ray Dameg y Capalto ngem napagkappia ida dagiti barangay officials ken nagresponde a polis.

Ngem kalpasan ti maysa nga oras, nagturong ti biktima ken ni Raymar Dameg a nakaiggem iti ay-ayam a riple iti sango ti balay ni Florante Adrion y Elephante sada prinobokar daytoy.

Nakarurod ti suspek ket inmalona ti monoblock chair iti ulo ni Randy.#