Footer

Tricycle driver, napaltogan, natay

SINAIT, Ilocos Sur  – Maysa nga agpaspasada iti traysikel ti pinaltogan dagiti armado a tattao ket saanen a naidanon a sibibiag iti ospital.

Nabigbig ti biktima a ni Alfredo Igne, 62, residente iti Barangay Ricudo ditoy. Di pay nabigbig dagiti nanggudas kenkuana.

Segun iti inbestigasion,  kasangsangpet ti biktima iti balayda manipud iti  panagpasadana idi immasideg ti dua a suspetsa a naglugan iti Honda Wave a motorsiklo sada pinaltogan iti sumagmamano a daras.

Nakarekobre dagiti polis iti 5 a kapsula a nagtaud iti kalibre 45.#