Footer

Tricycle driver, napapatay

NARVACAN, Ilocos Sur – Napapatay ti maysa nga agmanmaneho iti traysikel itay nabiit iti sanguanan ti police outpost ditoy nga ili.
Natay nga insigida ni Jaime Areota, 40, tubo ti Dolores, Abra ngem agdama a residente iti Paratong ditoy gapu iti grabe a sugatna iti kilikilina.
Iti inisial nga inbestigasion dagiti polis, nakatugaw ti biktima iti traysikelna iti sanguanan ti police outpost idi pinaltogan ti di pay nabigbig a suspetsa.
Nakarekobre dagiti polis iti kapsula manipud iti kal. 45 iti nakapasamakan ti krimen.
Di pay ammo ti motibo ti pammapatay.#